śa ra dwa ti’i bu gźan yaṅ byaṅ chub sems dpa’ sems dpa’ chen po ni lus ’di ñid rkaṅ pa’i mthil yan chad skra daṅ mgo bo man chad mi gtsaṅ ba rnam pa sna tshogs kyis gaṅ ste | lus ’di la ni skra daṅ spu daṅ | sen mo daṅ | pags (80b1) pa daṅ | pags śun daṅ | śa daṅ rgyus pa daṅ | rus pa daṅ | rkaṅ pa daṅ | mkhal ma daṅ | sñiṅ daṅ | mtsher ba daṅ | glo ba daṅ | mchin pa daṅ | su la maṅs daṅ | rgyu ma daṅ | gñem daṅ | gźaṅ daṅ | lgaṅ ba daṅ | phyis daṅ | mchi ma daṅ | rṅul daṅ | tshig (2) daṅ | mchil ma daṅ | snabs daṅ | rnag daṅ | khrag daṅ | mkhris pa daṅ | bad kan daṅ | źag daṅ | chu ser daṅ | dri ma daṅ | gcin daṅ | klad pa daṅ | klad rgyas dag yod do sñam du so sor rtog ste | śa ra dwa ti’i bu dper na khyim bdag źiṅ pa’i sbyaṅ ’bru’i rnam pa (3) sna tshogs ’di lta ste | til daṅ | ’bras thugs po che daṅ | mon sran sde’u daṅ | mon sran na gu daṅ | nas daṅ | gro daṅ | sran chuṅ daṅ | ’bras s lu daṅ | ’bru daṅ | yuṅs ’bru dag gis gaṅ ba sgo druṅ gñis su bźag pa la skyes bu mig daṅ ldan pas mthoṅ na | ’di dag (4) ni til yin no ||