bźi gaṅ źe na | śa ra dwa ti’i bu ’di la byaṅ chub sems dpa’ sems dpa’ chen po sdig pa mi dge ba’i chos ma skyes pa rnams mi bskyed pa’i phyir ’dun pa skyed ciṅ rtsol la | brtson (2) ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | sdig pa mi dge ba’i chos skyes pa rnams spaṅ ba’i phyir ’dun pa bskyed ciṅ rtsol la brtson ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | dge ba’i chos ma skyes pa (3) rnams bskyed pa’i phyir ’dun pa skyed ciṅ ’bad la brtson ’grus rtsom ste | sems rab tu ’dzin ciṅ yaṅ dag par rab tu ’jog pa daṅ | dge ba’i chos skyes pa rnams gnas pa daṅ | mi brjed pa daṅ | rgyas pa daṅ | phyir źiṅ bsgom pa yoṅs su rdzogs par bya ba’i phyir ’dun pa (4) skyed ciṅ ’bad la brtson ’grus rtsom ste | sems rab tu ’dzin ciṅ yaṅ dag par rab tu ’jog la | de yaṅ mi dmigs pa’i tshul du ste | śa ra dwa ti’i bu de ni byaṅ chub sems dpa’ sems dpa’ chen po’i skyon med pa yin no ||