bźi gaṅ źe na | śa ra dwa ti’i bu ’di la byaṅ chub sems dpa’ sems dpa’ chen po ’dun pa’i tiṅ ṅe ’dzin spaṅ ba’i ’du byed daṅ ldan pa’i rdzu ’phrul gyi rkaṅ pa dben pa la gnas pa | ’dod chags (6) daṅ bral ba la gnas pa | ’gog pa la gnas pa rnams par spoṅ bas yoṅs su bsgyur ba bsgom pa daṅ | de bźin du sems kyi tiṅ ṅe ’dzin spaṅ ba’i ’du byed daṅ ldan pa’i rdzu ’phrul gyi rkaṅ pa bsgom pa daṅ | brtson ’grus kyi tiṅ ṅe ’dzin spaṅ ba’i ’du byed daṅ ldan pa’i rdzu ’phrul gyi rkaṅ pa bsgom (7) pa daṅ | dpyod pa’i tiṅ ṅe ’dzin spaṅ ba’i ’du byed daṅ ldan pa’i rdzu ’phrul gyi rkaṅ pa dben pa la gnas pa | ’dod chags daṅ bral ba la gnas pa | ’gog pa la gnas pa rnam par spoṅ bas yoṅs su bsgyur ba bsgom ste de yaṅ mi dmigs pa’i tshul du ste | śa ra dwa ti’i bu de ni byaṅ chub (81b1) sems dpa’ sems dpa’ chen po’i skyon med pa źes bya’o ||