bdun gaṅ źe na ’di lta ste | dran pa yaṅ dag byaṅ chub kyi yan lag daṅ | (5) chos rnam par ’byed pa yaṅ dag byaṅ chub kyi yan lag daṅ | brtson ’grus yaṅ dag byaṅ chub kyi yan lag daṅ | dga’ ba yaṅ dag byaṅ chub kyi yan lag daṅ | śin tu sbyaṅs pa yaṅ dag byaṅ chub kyi yan lag daṅ | tiṅ ṅe ’dzin yaṅ dag byaṅ chub kyi yan lag daṅ | btaṅ (6) sñoms yaṅ dag byaṅ chub kyi yan lag ste | dran pa yaṅ dag byaṅ chub kyi yan lag de yaṅ dben pa la gnas pa | ’dod chags daṅ bral ba la gnas pa | ’gog pa la gnas pa | rnam par spoṅ bas yoṅs su bsgyur ba bsgom pa daṅ | de bźin du chos rnam par ’byed pa (7) yaṅ dag byaṅ chub kyi yan lag daṅ | brtson ’grus daṅ dga’ ba daṅ śin tu sbyaṅs pa daṅ | tiṅ ṅe ’dzin daṅ | btaṅ sñoms yaṅ dag byaṅ chub kyi yan lag dben pa la gnas pa | ’dod chags daṅ bral ba la gnas pa | ’gog pa la gnas pa rnam par spoṅ bas yoṅs su (82a1) bsgyur ba bsgom ste | de yaṅ ma dmigs pa’i tshul gyis bsgom ste | śa ra dwa ti’i bu de ni byaṅ chub sems dpa’ sems dpa’ chen po’i skyon med pa źes bya’o ||