śa ra dwa ti’i bu gźan yaṅ byaṅ chub sems dpa’ sems dpa’ chen po’i skyon med pa ni ’di lta ste | chos thams (4) cad gñis su med par śes pa la ’jug pas rnam par thar pa’i sgo gsum la sñoms par ’jug pa daṅ | chos thams cad la rnam par mi rtog ciṅ bsam gtan gyi bde ba la ro myaṅ ba med par bsam gtan bźi la sñoms par ’jug pa daṅ | chos thams cad mi skye bar bzod pa la (5) ’jug pas tshad med pa bźi la sñoms par ’jug pa daṅ | khams gsum dmigs su med par śes pas gzugs med pa’i sñoms par ’jug pa bźi la sñoms par ’jug pa daṅ | sems daṅ yid daṅ yid kyi rnam par śes pa daṅ bral bas rnam par thar ba brgyad la sñoms par (6) ’jug pa daṅ | ’khor ba daṅ mya ṅan las ’das pa la gñis su med par mthoṅ bas | mthar gyis gnas pa’i sñoms par ’jug pa dgul sñoms par ’jug pa daṅ | chos thams cad smig rgyu lta bu la ’jug pas ’du śes dgu la sñoms par ’jug pa daṅ | dran pa med ciṅ (7) yid la byed pa med par rjes su dran pa bcu la sñoms par ’jug pa daṅ | chos thams cad sgyu ma lta bu la ’jug pas ’du śes drug la sñoms par ’jug pa daṅ | śes pa daṅ mi śes pa’i chos mñam pas śes pa bcu la ’jug pa daṅ | chos thams cad raṅ bźin gyis mñam par (82b1) bźag par rtogs nas gsum la sñoms par ’jug pa daṅ | dus gsum daṅ bral ba’i śes pas dbaṅ po gsum bsgom pa daṅ | tshul gcig ciṅ tha dad par mi byed pa’i śes pa la ’jug pas zil gyis gnon pa’i skye mched rnams bsgom pa daṅ | chos zab mo la bzod pa la (2) ’jug pas zad par gyi skye mched rnams la sñoms par ’jug ste | de yaṅ mi dmigs pa’i tshul gyis sñoms par ’jug pa ste | śa ra dwa ti’i bu de ni byaṅ chub sems dpa’ sems dpa’ chen po’i skyon med pa źes bya’o ||