btsun pa bcom ldan ’das byaṅ chub sems dpa’ sems dpa’ chen po śes rab kyi pha rol tu phyin pa la spyod pa ji ltar byaṅ chub kyi lam du mchi źiṅ byaṅ chub sems dpa’i skyon ma mchis pa la yaṅ ’jug la | sus kyaṅ thul bar rṅo mi thogs pa (4) lags | bcom ldan ’das kyis bka’ stsal pa | śa ra dwa ti’i bu gaṅ gi tshe | byaṅ chub sems dpa’ sems dpa’ chen po śes rab kyi pha rol tu phyin pa la spyod pa | gzugs kyi phuṅ por rlom sems su mi byed ciṅ | de bźin du rnam par śes pa’i phuṅ po’i bar du rlom sems su mi byed | (5) mig gi skye mched du rlom sems su mi byed ciṅ | de bźin du yid kyi skye mched kyi bar du rlom sems su mi byed | gzugs kyi skye mched du rlom sems su mi byed pa nas | chos kyi skye mched kyi bar du rlom sems su mi byed | de bźin du mig gi khams su rlom sems su mi (6) byed | gzugs kyi khams su rlom sems su mi byed | mig gi rnam par śes pa’i khams su rlom sems su mi byed pa nas | de bźin du sbyar te | yid kyi khams su rlom sems su mi byed | chos kyi khams kyi bar du rlom sems su mi byed | dran pa ñe bar gźag pa (7) rnams su rlom sems su mi byed pa nas | ’phags pa’i lam yan lag brgyad pa’i bar du rlom sems su mi byed | sbyin pa’i pha rol tu phyin par rlom sems su mi byed pa nas | śes rab kyi pha rol tu phyin pa’i bar du rlom sems su mi byed | de bźin gśegs pa’i stobs (84a1) bcur rlom sems su mi byed | de bźin du mi ’jigs pa bźi daṅ | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad du rlom sems su mi byed | de bźin du rgyun tu źugs pa’i ’bras bu’i (2) par du rlom sems su mi byed pa nas dgra bcom pa’i bar du rlom sems su mi byed | de bźin du raṅ byaṅ chub tu rlom sems su mi byed | bla na med pa yaṅ dag par rdzogs pa’i byaṅ chub tu rlom sems su mi byed pa ste | śa ra dwa ti’i bu de ltar na byaṅ chub sems dpa’ sems dpa’ chen (3) po śes rab kyi pha rol tu phyin pas rnam par ’phel ba na | byaṅ chub kyi lam du ’gro źiṅ byaṅ chub sems dpa’i skyon med pa la yaṅ ’jug la | sus kyaṅ thul bar mi nus pa yin no ||