btsun pa bcom ldan ’das byaṅ chub sems dpa’ sems dpa’ chen po (6) śes pa gaṅ daṅ ldan na | nam yaṅ ṅan soṅ rnams su mi ltuṅ ba daṅ | lha daṅ mi daṅ lha ma yin gyi ’jig rten gyis smad par mi ’gyur bar śes pa gaṅ lags | bcom ldan ’das kyis bka’ stsal pa | śa ra dwa ti’i bu byaṅ chub sems dpa’ sems dpa’ chen po śes pa (7) gaṅ daṅ ldan na | śar phyogs kyi ’jig rten gyi khams gaṅ g’i kluṅ gi bye ma sñed dag na | de bźin gśegs pa dgra bcom pa yaṅ dag par rdzogs pa’i saṅs rgyas g’i kluṅ gi bye ma sñed dag mthoṅ źiṅ de dag las chos kyaṅ ñan la | saṅs rgyas bcom ldan ’das de (84b1) dag gi ñan thos kyi dge ’dun daṅ | byaṅ chub sems dpa’i dge ’dun yaṅ mthoṅ | saṅs rgyas kyi źiṅ gi yon tan bkod pa ṅag kyaṅ mthoṅ ba daṅ | byaṅ chub sems dpa’ sems dpa’ chen po śes pa gaṅ daṅ ldan na | saṅs rgyas su ’du śes mi ’jug | byaṅ chub sems dpar (2) ’du śes mi ’jug | ñan thos su ’du śes mi ’jug | raṅ saṅs rgyas su ’du śes pa ma yin | bdag tu ’du śes pa ma yin | bdag med par ’du śes pa ma yin | saṅs rgyas kyi źiṅ du ’du śes pa ma yin pa daṅ | byaṅ chub sems dpa’ sems dpa’ chen po śes pa gaṅ daṅ (3) ldan na | sbyin pa’i pha rol tu phyin pa la yaṅ spyod la | sbyin pa de yaṅ mi dmigs pa nas | śes rab kyi pha rol tu phyin pa la yaṅ spyod la | śes rab kyi pha rol tu phyin pa de yaṅ mi dmigs pa daṅ | śes pa gaṅ daṅ ldan na | dran pa ñe bar gźag pa rnams mi dmigs par dran pa ñe (4) bar gźag pa rnams la spyod pa daṅ | de bźin du sbyar te | saṅs rgyas kyi chos ma ’dres pa rnams mi dmigs par saṅs rgyas kyi chos ma ’dres pa bcwa brgyad la spyod pa ste | śa ra dwa ti’i bu ’di ni byaṅ chub sems dpa’ sems dpa’ chen po’i śes pa gaṅ daṅ ldan na | chos thams cad (5) kyaṅ yoṅs su rdzogs par byed la | chos de dag tu yaṅ rlom sems su mi byed pa’i śes pa yin te | śa ra dwa ti’i bu de lta bas na byaṅ chub sems dpa’ sems dpa’ chen po śes rab kyi pha rol tu phyin pa la spyod pa byaṅ chub kyi lam rnam par spyod par ’dod pa | byaṅ chub sems (6) dpa’i skyon med pa la ’jug par ’dod pas lus kyi las daṅ | ṅag gi las daṅ | yid kyi las kha na ma tho ba daṅ bcas pa dag gi skabs dbye bar mi bya’o ||