btsun pa bcom (7) ldan ’das ji ltar na byaṅ chub sems dpa’ sems dpa’ chen po lus kyi gnas ṅan len sbyoṅ ba lags | de bźin du ji ltar na ṅag daṅ yid kyi gnas ṅan len sbyoṅ ba lags | bcom ldan ’das kyis bka’ stsal pa | śa ra dwa ti’i bu gaṅ gi tshe byaṅ chub sems dpa’ sems (85b1) dpa’ chen po lus mi dmigs | ṅag daṅ yid mi dmigs śiṅ | śa ra dwa ti’i bu de bźin du byaṅ chub sems dpa’ sems dpa’ chen po sems daṅ po bskyed pa nas bzuṅ ste | dge ba bcu’i las kyi lam rnams yaṅ dag par blaṅs nas gnas la | nam yaṅ ñan thos kyi sems sam | (2) raṅ saṅs rgyas kyi sems mi skyed ciṅ | sems can thams cad la yaṅ rtag pa kho nar sñiṅ rje chen po skyed par byed pa ste | śa ra dwa ti’i bu de ltar na byaṅ chub sems dpa’ sems dpa’ chen po’i lus kyi gnas ṅan len yoṅs su dag par smra’o ||