śa ra dwa ti’i bu gaṅ gi tshe byaṅ chub (6) sems dpa’ sems dpa’ chen po sbyin pa’i pha rol tu phyin pa la spyod pa ni | ñi tshe ba’i sems can rnams kyi ched du sbyin pa sbyin par mi byed | tshul khrims kyi pha rol tu phyin pa la spyod pa na | ñi tshe ba’i sems can rnams kyi ched du tshul khrims mi sruṅ | bzod pa’i pha rol tu phyin pa daṅ | brtson (7) ’grus kyi pha rol tu phyin pa daṅ | bsam gtan gyi pha rol tu phyin pa la yaṅ de bźin la | śes rab kyi pha rol tu phyin pa la spyod pa na | ñi tshe ba’i sems can rnams kyi ched du śes rab mi sgom gyi | sbyin pa’i pha rol tu phyin pa la spyod pa na | sems can thams cad kyi ched du sbyin pa sbyin (86a1) par byed pa nas | de bźin du śes rab kyi pha rol tu phyin pa’i bar la spyod pa na | sems can thams cad kyi ched du śes rab sgom par byed de | byaṅ chub sems dpa’ sems dpa’ chen po ni sems can ’di sñed cig ni phuṅ po’i lhag ma med ’i mya ṅan las ’das (2) pa’i dbyiṅs su yoṅs su mya ṅan las bzla bar bya’o ||