źes brjod pa dag ste | dga’ ba med pa bde ba la gnas pa bsam gtan gsum pa bsgrubs te gnas pa daṅ | de bde ba yaṅ spaṅs te | sṅa nas yid bde ba (4) daṅ | yid mi bde ba yaṅ nub pas sdug bsṅal yaṅ ma yin | bde ba yaṅ ma yin pa btaṅ sñoms daṅ dran pa yoṅs su dag pa | bsam gtan bźi pa bsgrubs te gnas pa daṅ | de bźin du byams pa daṅ ldan pa’i sems yaṅs pa rgya chen por gyur pa | mig ñis (5) pa | tshad med pa | kho na med pa | gnod pa med pa | ’gran zla med pa | yoṅs su rdzogs pa | śin tu bsgoms pas phyogs gcig khyab par byas te | mos nas bsgrubs te gnas pa daṅ | de bźin du gñis pa daṅ | de bźin du gsum pa daṅ | (6) de bźin du phyogs bźi pa daṅ | de bźin du ’og daṅ | steṅ daṅ | thad kar thams cad kyi thams cad du thams cad daṅ ldan pa’i ’jig rten la byams pa daṅ ldan pa’i sems kyis khyab par byas te | mos nas bsgrubs te gnas pa daṅ | de bźin du sñiṅ rje daṅ ldan (7) pa daṅ | dga’ ba daṅ ldan pa daṅ | btaṅ sñoms daṅ ldan pa’i sems kyis thams cad kyi thams cad du thams cad daṅ ldan pa’i ’jig rten la khyab par byas te | mos pa’i bar du bsgrubs nas gnas pa ste | tshad med pa bźi bsam gtan daṅ ldan pa ’di dag ni byaṅ chub (89a1) sems dpa’ sems dpa’ chen po’i theg pa chen po rab mchog yin no ||