yaṅ byaṅ chub sems dpa’ sems dpa’ chen po gaṅ rnam pa thams cad mkhyen pa ñid daṅ ldan pa’i yid la byed pa dag gis bsam gtan daṅ | tiṅ ṅe ’dzin daṅ | sñoms par ’jug pa daṅ | (4) rnam par thar pa dag la sñoms par ’jug ciṅ ldan yaṅ ñan thos kyi sa’am | raṅ saṅs rgyas kyi sar yaṅ mi ltuṅ ba ’di ni | byaṅ chub sems dpa’ sems dpa’ chen po’i bsam gtan gyi pha rol tu phyin pa’o | yaṅ byaṅ chub sems dpa’ sems dpa’ chen po gaṅ rnam (5) pa thams cad mkhyen pa ñid daṅ ldan pa’i yid la byed pa dag gis bsam gtan daṅ | tshad med pa daṅ | gzugs med pa’i sñoms par źugs pa na | bsam gtan gyis yan lag thams cad mi rtag pa’i rnam pa daṅ | sdug bsṅal ba’i rnam pa daṅ | stoṅ (6) pa ñid daṅ | mtshan ma med pa daṅ | smon pa med pa’i rnam par yaṅ dag par ji lta ba bźin du so sor rtog kyaṅ sñiṅ rje chen pos yoṅs su zin pas ñan thos kyi skyon med pa’am | raṅ saṅs rgyas kyi skyon med pa la yaṅ mi ’jug pa ’di ni byaṅ chub sems dpa’ (7) sems dpa’ chen po’i śes rab kyi pha rol tu phyin pa ste | śa ra dwa ti’i bu de dag ni byaṅ chub sems dpa’ sems dpa’ chen po’i theg pa chen po yin no ||