yaṅ byaṅ chub sems dpa’ sems dpa’ chen po gaṅ thams cad mkhyen pa ñid daṅ ldan pa’i yid la bya ba dag gis bsam gtan daṅ | tshad med pa daṅ | gzugs med pa’i tiṅ ṅe ’dzin gyi sñoms par ’jug pa de dag la sñoms par yaṅ ’jug ciṅ (7) ldaṅ yaṅ de dag kyaṅ mi rtag pa’i rnam pa daṅ | sdug bsṅal ba’i rnam pa daṅ | bdag med pa’i rnam pa daṅ | stoṅ pa ñid daṅ | mtshan ma med pa daṅ | smon pa med pa’i rnam par yaṅ dag pa ji lta ba bźin du so sor rtog kyaṅ de de dag gis ñan thos kyi skyon med (91a1) pa’am | raṅ saṅs rgyas kyi skyon med par yaṅ mi ’jug pa ’di ni | śa ra dwa ti’i bu byaṅ chub sems dpa’ sems dpa’ chen po bsam gtan daṅ | tshad med pa daṅ | gzugs med pa’i sñoms par ’jug pa dag la spyod pa’i thabs la mkhas pa (2) las byuṅ ba’i śes rab kyi pha rol tu phyin pa ste | śa ra dwa ti’i bu de dag ni byaṅ chub sems dpa’ sems dpa’ chen po’i pha rol tu phyin pa drug bsam gtan daṅ | tshad med pa daṅ | gzugs med pa’i sñoms par ’jug pa las byuṅ ba’i thabs la mkhas pas yoṅs su (3) zin pa’i theg pa chen po yin no ||