śa ra dwa ti’i bu ’di la byaṅ chub sems dpa’ sems dpa’ chen po sbyin pa’i pha rol tu phyin pa la spyod pa na | śes rab kyi (93b1) pha rol phyin pa la yaṅ dag par gnas nas mi dmigs pa’i tshul gyis sbyin pa yaṅ mi dmigs | sbyin pa’i pha rol tu phyin pa daṅ | len pa yaṅ mi dmigs pa daṅ | de bźin du tshul khrims kyi pha rol tu phyin pa la spyod pa daṅ | bzod pa’i pha rol tu phyin pa daṅ | brtson ’grus (2) kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa la spyod pa na | śes rab kyi pha rol tu phyin pa la yaṅ dag par gnas nas mi dmigs pa’i tshul gyis dge ba’i chos mi dmigs | mi dge ba’i chos daṅ | luṅ du bstan pa daṅ | (3) luṅ du ma bstan pa daṅ | ’jig rten pa daṅ | ’jig rten las ’das pa daṅ | ’dus byas daṅ | ’dus ma byas daṅ | zag pa daṅ bcas pa daṅ | zag pa med pa’i chos rnams mi dmigs śiṅ | śes rab kyi pha rol tu phyin pa daṅ | śes rab kyi pha rol tu phyin (4) ba bsgom pa daṅ | śes rab kyi pha rol tu phyin pa sgom pa po mi dmigs pa ste | śa ra dwa ti’i bu de tsam gyis na byaṅ chub sems dpa’ sems dpa’ chen po thog pa chen po la yaṅ dag par gnas pa źes bya’o ||