śa ra dwa ti’i bus gsol pa | sbyin pa’i pha rol tu phyin pa ’jig rten pa ni gaṅ lags | sbyin pa’i pha rol tu phyin pa ’jig rten las ’das pa (3) ni gaṅ lags | bka’ stsal pa | śa ra dwa ti’i bu ’di la byaṅ chub sems dpa’ sems dpa’ chen po sbyin phod pa sbyin bdag tu gyur pa de dge sbyoṅ daṅ | bram ze daṅ | bkren pa daṅ | ’dron pa daṅ | sdug ’phoṅs pa daṅ | sloṅ ba rnams la zas ’dod pa dag la zas sbyin par (4) byed | skom ’dod pa dag la skom sbyin par byed pa nas | de bźin du sbyar te | gos daṅ | spos daṅ | phreṅ ba daṅ | byug pa daṅ | mal cha daṅ | stan daṅ | khyim ’dod pa’i bar dag la sbyin par byed pa daṅ | gnas ’dod pa dag la gnas sbyin par byed ciṅ | sman ’dod (5) pa rnams la sman | yo byad ’dod pa rnams la yo byad sbyin par byed pa daṅ | de bźin du sloṅ ba rnams la mi’i yo byad gaṅ yaṅ ruṅ ba dag sbyin par byed pa daṅ | de bźin du bu pho sbyin par byed pa daṅ | bu mo sbyin par byed pa daṅ | chuṅ ma daṅ | slas kyi ’khor dag sbyin par byed pa (6) daṅ | de bźin du mgo daṅ | mig dag daṅ | rna ba daṅ | sna daṅ | rkaṅ pa daṅ | lag pa daṅ | yan lag daṅ | ñid lag dag sbyin par byed ciṅ | de dag kyaṅ dṅos po’i bdag ñid du gnas nas yoṅs su gtoṅ bar byed la | de ’di sñam du yaṅ sems te | bdag ni (7) sbyin par byed pa’o ||