drug gaṅ źe na | ’di lta ste | rdzu ’phrul gyi bya ba mṅon (2) sum du bya ba śes pa’i mṅon par śes pa daṅ | lha’i mig mṅon sum du bya ba śes pa’i mṅon par śes pa daṅ | lha’i rna ba mṅon sum du bya ba śes pa’i mṅon par śes pa daṅ | pha rol gyi sems kyi rnam pa śes pa mṅon sum du bya ba śes pa’i mṅon par śes pa daṅ | sṅon gyi (3) gnas rjes su dran pa mṅon sum du bya ba śes pa’i mṅon par śes pa daṅ | zag pa zad pa mṅon sum du bya ba śes pa’i mṅon par śes pa yoṅs su dag par byed pa ñid de | rab ’byor de dag ni byaṅ chub sems dpa’ sems dpa’ chen po’i mṅon par śes pa drug po dag yin (4) no ||