kye ma sems can ’di dag ni lus kyi legs par spyod pa daṅ ldan pa | ṅag gi legs par spyod pa daṅ ldan pa | yid kyi legs par spyod pa daṅ (107b1) ldan pa dag yin te | rgyu de daṅ rkyen des lus źig nas bde ’gro mtho ris kyi ’jig rten du lha daṅ mi rnams kyi naṅ du skyes pa’i bar daṅ | de bźin du sbyar te | phyogs bcu kun gyi ’jig rten gyi khams dag na sems can las ji ltar bsags pa rnams mthoṅ ba’i bar daṅ | bde (2) ’gro mtho ris kyi ’jig rten du lha daṅ mi rnams kyi naṅ du skyes so źes bya ba’i bar du ste | rab ’byor de ni byaṅ chub sems dpa’ sems dpa’ chen po’i lha’i mig mṅon sum du bya ba śes pa’i mṅon par śes pa yoṅs su dag par byed pa ñid yin no ||