rab ’byor de la byaṅ chub sems dpa’ sems (3) dpa’ chen po’i lha’i rna ba mṅon sum du bya ba śes pa’i mṅon par śes pa yoṅs su dag par byed pa ñid gaṅ źe na | rab ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la gnas te | lha’i rna ba mi’i las ’das pas de ’di lta ste | lha daṅ mi’i sgra ñan kyaṅ ṅo (4) bo ñid kyis stoṅ pa ñid kyi phyir daṅ | ṅo bo nid kyis dben pa ñid daṅ | ṅo bo ñid kyis dmigs su med pa ñid kyi phyir bdag ni sgra ñan to źes lha’i rna ba des kyaṅ rlom sems su mi byed ciṅ | rna bas śes par bya ba’i sgra de yaṅ mi dmigs la | de rnam pa thams cad mkhyen pa ñid yid la byed pa ma (5) gtogs par lha’i rna ba mṅon par bsgrub pa’i phyir sems kyaṅ skyed par mi byed de | rab ’byor de ltar na byaṅ chub sems dpa’ sems dpa’ chen po śes rab kyi pha rol tu phyin pa la gnas te | lha’i rna ba mṅon sum du bya ba śes pa’i mṅon par śes pa yoṅs su dag par byed pa ñid yin (6) no ||