rab ’byor de lo byaṅ chub sems dpa’ sems dpa’ chen po’i zag pa zad pa mṅon sum du bya ba śes pa’i mṅon par śes pa yoṅs su dag par byed pa ñid gaṅ źe na | rab (109a1) ’byor ’di la byaṅ chub sems dpa’ sems dpa’ chen po śes rab kyi pha rol tu phyin pa la gnas te | zag pa zad pa śes pa mṅon sum du bya ba śes pa’i mṅon par śes pa mṅon par bsgrub kyaṅ ñan thos kyis ’am | raṅ saṅs rgyas kyis yaṅ rjes su thob par mi byed la | gaṅ (2) gis bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya ba’i chos gaṅ la yaṅ ’dod par mi byed ciṅ | de mṅon par śes pa des rdo rje lta bu’i tiṅ ṅe ’dzin la brten nas | bag chags daṅ mtshams sbyor ba thams cad spoṅ bar byed mod kyi | ṅo bo ñid (3) kyis stoṅ pa ñid kyi phyir daṅ | ṅo bo ñid kyis dben pa ñid kyi phyir daṅ | ṅo bo ñid kyis dmigs su med pa ñid kyi phyir zag pa zad pa śes pa mṅon sum du bya ba śes pa’i mṅon par śes pa ṅes kyaṅ rlom sems su mi byed la thams cad mkhyen pa ñid yid la byed pa ma gtogs par (4) sems kyaṅ skyed par mi byed de | rab ’byor de ni byaṅ chub sems dpa’ sems dpa’ chen po’i zag pa zad pa mṅon sum du bya ba śes pa’i mṅon par śes pa yoṅs su dag par byed pa ñid yin no ||