btsun pa bcom ldan ’das byaṅ chub sems (113a1) dpa’ sems dpa’ chen po’i saṅs rgyas kyi mig yoṅs su dag pa gaṅ lags | bcom ldan ’das kyis bka’ stsal pa | rab ’byor byaṅ chub sems dpa’ sems dpa’ chen po gaṅ gis byaṅ chub kyi sems kyi mjug thogs su rdo rje lta bu’i tiṅ ṅe ’dzin (2) la sñoms par źugs nas rnam pa thams cad mkhyen pa ñid rjes su thob la | de yaṅ de bźin gśegs pa’i stobs bcu daṅ ldan | mi ’jigs pa bźi daṅ ldan | so so yaṅ dag par rig pa bźi daṅ | byams pa chen po daṅ | sñiṅ rje chen po daṅ | saṅs rgyas kyi (3) chos ma ’dres pa bcwa brgyad daṅ ldan źiṅ | byaṅ chub sems dpa’ sems dpa’ chen po’i saṅs rgyas kyi mig gaṅ gis kyaṅ rnam pa thams cad du chos thams cad la ma mthoṅ ba’am | ma thos pa’am | mi dran pa’am | mṅon par mi śes pa gaṅ yaṅ med pa ste | ra ba (4) ’byor byaṅ chub sems dpa’ chen po bla na med pa yaṅ dag par rdzogs pa’i byaṅ chub mṅon par rdzogs par saṅs rgyas pa’i mig yoṅs su dag pa ni de lta bu ste | rab ’byor de dag ni byaṅ chub sems dpa’ sems dpa’ chen po rnams kyi śin tu yoṅs su dag (5) pa’i mig lṅa po dag yin no ||