btsun pa bcom ldan ’das ’di lta ste | byaṅ chub sems dpa’ thabs la mi mkhas pas śes rab kyi pha rol tu phyin pa lo spyod pa ni (7) bdag tu ’dzin pa daṅ | bdag gir ’dzin par gyur pa’i yid kyis gzugs la spyod ciṅ | de bźin du tshor ba daṅ | ’du śes daṅ | ’du byed rnams daṅ | rnam par śes pa la spyod na | de lta na gzugs mṅon par ’du bgyid pa la spyod pa lags śiṅ | de bźin du tshor (116b1) pa mṅon par ’du bgyid pa daṅ | ’du śes mṅon par ’du bgyid pa daṅ | ’du byed mṅon par ’du bgyid pa daṅ | rnam par śes pa mṅon par ’du bgyid pa la spyod pa lags te | mṅon par ’du bgyid pa la spyod pa ni śes rab kyi pha rol tu phyin pa yoṅs su mi ’dzin ciṅ | (2) śes rab kyi pha rol tu phyin pa la rnal ’byor du bgyid pa ma lags te | śes rab kyi pha rol tu phyin pa yoṅs su rdzogs par ni rnam pa thams cad mkhyen pa ñid du ṅes par ’byuṅ bar mi ’gyur lags so ||