btsun pa bcom ldan ’das ’di lta ste | byaṅ chub sems dpa’ śes (3) rab kyi pha rol tu phyin pa la spyod pa na | thabs la mi mkhas pas bdag tu ’dzin pa daṅ | bdag gir ’dzin par gyur yid kyis de gzugs la spyod ciṅ | de bźin du tshor ba daṅ | ’du śes daṅ | ’du byed rnams daṅ | rnam par śes pa la spyod na | de lta na (4) gzugs mṅon par ’du bgyid pa la spyod pa lags śiṅ | de bźin du tshor ba mṅon par ’du bgyid pa daṅ | ’du śes mṅon par ’du bgyid pa daṅ | ’du byed mṅon par ’du bgyid pa daṅ | rnam par śes pa mṅon par ’du bgyid pa la spyod pa lags la | mṅon par (5) ’du bgyid pa la spyod pa ni śes rab kyi pha rol tu phyin pa yoṅs su ’dzin pa ma lags | śes rab kyi pha rol tu phyin pa la rnal ’byor du bgyid pa ma lags te | śes rab kyi pha rol tu phyin pa yogs su ma rdzogs par ni rnam pa thams cad mkhyen pa ñid du ṅes par ’byuṅ bar mi (6) ’gyur lags so ||