btsun pa bcom ldan ’das ’di lta ste | byaṅ chub sems dpa’ śes rab kyi pha rol tu phyin pa la spyod pa thabs la mi mkhas pas bdag tu ’dzin pa daṅ | bdag gir ’din pa’i yid kyis de bźin du sbyar te | gzuṅs kyi sgo rnams daṅ | tiṅ ṅe (7) ’dzin gyi sgo rnams kyi bar la spyod na gzugs kyi sgo daṅ | tiṅ ṅe ’dzin gyi sgo mṅon par ’du bgyid pa la spyod pa lags te | mṅon par ’du bgyid pa la spyod pa ni śes rab kyi pha rol tu phyin pa yoṅs su ’dzin pa ma lags | śes rab kyi pha rol tu phyin pa la rnal ’byor du bgyid pa ma (117a1) lags te | śes rab kyi pha rol tu phyin pa yoṅs su ma rdzogs par ni | rnam pa thams cad mkhyen pa ñid du ṅes par ’byuṅ bar mi ’gyur lags so ||