de ci’i slad du źe na | ’di ltar dran pa ñe bar gźag pa de dag dran pa ne bar gźag pa ma lags par yaṅ dag par rjes su mthoṅ ba nas | de bźin du (4) sbyar te | saṅs rgyas kyi chos ma ’dres pa bcwa brgyad kyi bar dag saṅs rgyas kyi chos rnams ma lags par yaṅ dag par rjes su mthoṅ ba’i slad du ste | ’di ni byaṅ chub sems dpa’ sems dpa’ chen po’i gaṅ gzugs yoṅs su mi ’dzin pa daṅ | de bźin du tshor ba daṅ | (5) ’du śes daṅ | ’du byed rnams daṅ | rnam par śes pa yoṅs su mi ’dzin pa nas de bźin du sbyar te | gzuṅs kyi sgo thams cad daṅ | tiṅ ṅe ’dzin gyi sgo thams cad kyi bar du yoṅs su mi ’dzin pa daṅ | dran pa ñe bar gźag pa rnams nas | ’phags pa’i lam (6) yan lag brgyad pa’i bar daṅ | de bźin gśegs pa’i stobs bcu daṅ de bźin du sbyar te | saṅs rgyas kyi chos ma ’dres pa bcwa brgyad kyi bar dag yoṅs su mi ’dzin pa’i śes rab kyi pha rol tu phyin pa lags so ||