de ci’i phyir źe na | tshe daṅ (3) ldan pa śar dwa ri’i bu ’di ltar gzugs kyi stoṅ pa ñid gaṅ yin pa de gzugs ma yin | gzugs las gud na yaṅ stoṅ pa ñid med do | stoṅ pa ñid las gud na yaṅ gzugs med de | gzugs ñid kyaṅ stoṅ pa ñid yin la | stoṅ pa ñid kyaṅ gzugs yin pa daṅ | de (4) bźin du tshor ba daṅ | ’du śes daṅ | ’du byed rnams daṅ | rnam par śes pa’i stoṅ pa ñid gaṅ yin pa de yaṅ rnam par śes pa ma yin | rnam par śes pa las gud na yaṅ stoṅ pa ñid med | stoṅ pa ñid las gud na yaṅ rnam par śes pa med de | stoṅ pa ñid kyaṅ rnam par (5) śes pa yin la | rnam par śes pa ñid kyaṅ stoṅ pa ñid yin pa’i phyir ro ||