a la la de ltar na byaṅ chub (6) sems dpa’ sems dpa’ chen po gaṅ tiṅ ṅe ’dzin ’di dag la gnas pa de ni | sṅon gyi de bźin gśegs pa dgra bcom pa yaṅ dag par rdzogs pa’i saṅs rgyas rnams kyis bla na med pa yaṅ dag par rdzogs pa’i byaṅ chub tu luṅ bstan pa yin la | da ltar phyogs bcu’i (7) ’jig rten gyi khams gaṅ g’i kluṅ gi bye ma sñed dag na de bźin gśegs pa dgra bcom pa yaṅ dag par rdzogs pa’i saṅs rgyas gaṅ dag ’tsho źiṅ bźugs pa’i de bźin gśegs pa de dag kyaṅ | byaṅ chub sems dpa’ sems dpa’ chen po de la luṅ ston par rig par (127b1) ba ste | tiṅ ṅe ’dzin gaṅ yaṅ yaṅ dag par rjes su mi mthoṅ źiṅ | byaṅ chub sems dpa’ ’di dag ni sñoms par źugs pa dag go ||