rab ’byor gal te ’dod pa’i khams de bźin du ’gyur te | ma nor pa daṅ | gźan ma yin pa daṅ | phyin ci ma log pa daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | ther zug daṅ | mi ’gyur ba’i chos can (137b1) yin la | dṅos po med pa ma yin ni theg pa chen por ba mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir ’dod pa’i khams ni brtags pa | rnam par bsgrubs pa tshig gis bstan pa ste | (2) mi rtag mi brtan źiṅ theg zug ma yin la ’gyur ba’i chos can yin te | dṅos po med pa’i bar du yin pas de’i phyir theg pa chen por ba mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ ṅo ||