rab ’byor de bźin du gzugs kyi khams (3) daṅ | gzugs med pa’i khams nas de bźin du gyur te | ma nor ba daṅ | gźan ma yin pa daṅ | phyin ci ma log pa daṅ | yaṅ dag pa daṅ | bden pa daṅ | ji lta ba bźin daṅ | rtag pa daṅ | brtan pa daṅ | theg zug daṅ | mi ’gyur ba’i chos can yin la | dṅos po (4) med pa ma yin na ni | theg pa chen po rab mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir gzugs kyi khams daṅ | gzugs med pa’i khams ni brtags pa | rnam par bsgrubs (5) pa | tshig gis bstan pa ste | de thams cad mi rtag mi brtan źiṅ ther zug ma yin la ’gyur ba’i chos can te | dṅos po med pas de’i phyir theg pa chen po theg par ba mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ ṅo ||