rab ’byor (6) gal te gzugs de bźin du ’gyur te | ma nor ba daṅ | gźan ma yin pa daṅ | phyir ci ma log pa daṅ | yaṅ dag pa daṅ | bden pa daṅ | ji lta ba bźin daṅ | thams cad rtag pa daṅ | brtan pa daṅ | theg zug daṅ | mi ’gyur ba’i chos can yin la | dṅos po med pa ma yin na ni | (7) theg pa chen por ba mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir gzugs ni brtags pa | rnam par bsgrubs pa | tshig gis bstan pa ste | de thams cad mi rtag mi brtan źiṅ ther zug ma (138a1) yin la ’gyur ba’i chos can te | dṅos po med pas de’i phyir theg pa chen po bar mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur te | de bźin du tshor ba daṅ | ’du śes daṅ | ’du byed rnams daṅ | rnam (2) par śes pa la yaṅ gzugs la ji ltar sbyar ba bźin du bya’o ||