rab ’byor gal te yaṅ dag par spoṅ pa rnams daṅ | rdzu ’phrul kyi rkaṅ pa rnams daṅ | dbaṅ po rnams daṅ | stobs rnams daṅ | byaṅ chub kyi yan lag rnams daṅ | ’phags pa’i lam yan lag brgyad pa daṅ | de bźin du sbyar te | (6) de bźin gśegs pa’i stobs bcu daṅ | saṅs rgyas kyis ma ’dres pa bcwa brgyad kyi bar dag dṅos po yin te | dṅos po med pa ma yin na ni theg pa chen po theg pa rab mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur (7) ba źig na | rab ’byor gaṅ gi phyir saṅs rgyas kyi chos ma ’dres pa bcwa brgyad kyi bar dag dṅos po med pas de’i phyir theg pa chen po theg pa rab mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||