rab ’byor de bźin du gal te brgyad pa’i chos rnams daṅ | rgyun du źugs pa’i chos rnams daṅ | lan cig phyir ’oṅ ba’i chos rnams (3) daṅ | phyir mi ’oṅ ba’i chos rnams daṅ | dgra bcom pa’i chos rnams daṅ | raṅ saṅs rgyas kyi chos rnams daṅ | byaṅ chub sems dpa’i chos rnams daṅ | yaṅ dag par rdzogs pa’i saṅs rgyas kyi chos rnams dṅos po yin te | dṅos po med pa ma yin na ni theg pa chen (4) po theg pa bar mchog ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar mi ’gyur ba źig na | rab ’byor gaṅ gi phyir yaṅ dag par rdzogs pa’i saṅs rgyas kyi chos kyi bar du dṅos po med pas de’i phyir theg pa chen po theg pa rab mchog (5) ’di lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||