rab ’byor gal te byaṅ chub sems dpa’ sems dpa’ chen po’i rdo rje lta bu’i ye śes dṅos (3) po yin te | dṅos po med pa ma yin na ni byaṅ chub sems dpa’ sems dpa’ chen pos bag chags daṅ mtshams sbyor ba thams cad daṅ | ñon moṅs pa thams cad dṅos po med par rtogs nas | rnam pa thams cad mkhyen pa ñid rjes su ’thob par mi ’gyur ba źig na | (4) bar ’byor gaṅ gi phyir byaṅ chub sems dpa’ sems dpa’ chen po’i rdo rje lta bu’i ye śes dṅos po med pas | de’i phyir byaṅ chub sems dpa’ sems dpa’ chen pos bag chags daṅ mtshams sbyor ba thams cad daṅ | ñon moṅs pa thams cad dṅos po med par rtogs (5) nas | rnam pa thams cad mkhyen pa ñid rjes su ’thob ciṅ lha daṅ mi daṅ lha ma yin du bcas pa’i ’jig rten zil gyis mnan nas ṅes par ’byuṅ bar ’gyur ro ||