tshe daṅ ldan pa rab ’byor gal te chos thams cad skye ba med pa yin na ni | ci’i phyir rgyun (3) du źugs pa’i ’bras bu ’dod pa rnams kyis kun tu sbyor ba gsum spaṅ ba’i phyir lam bsgom par bya | lan cig phyir ’oṅ ba’i ’bras bu ’dod pa rnams kyis ’dod chags daṅ | źe sdaṅ daṅ | gti mug rnams spaṅ ba’i phyir lam bsgom par bya | phyir mi ’oṅ ba’i ’bras bu ’dod (4) pa rnams kyis ’og ma’i cha daṅ ’thun pa’i kun tu sbyor ba rnams spaṅ pa’i phyir lam bsgom par bya | dgra bcom pa’i ’bras bu ’dod pa rnams kyis goṅ ma’i cha daṅ ’thun pa’i kun tu sbyor ba lṅa spaṅ ba’i phyir lam bsgom par bya | ’di lta ste | ’du byed thams can ni rten ciṅ ’brel bar (5) ’byuṅ ba’i źes raṅ saṅs rgyas kyi lam bsgom par bya | yaṅ ci’i phyir na | byaṅ chub sems dpa’ sems dpa’ chen po dka’ ba spyad pa spyod ciṅ | sems can rnams kyi ched du sdug bsṅal ’bum dag kyaṅ mas su myoṅ | ci’i phyir na | de bźin gśegs pas bla na med (6) pa yaṅ dag par rdzogs pa’i byaṅ chub mṅon par rdzogs par saṅs rgyas | ci’i phyir na | de bźin gśegs pas chos kyi ’khor lo bskor | de skad ces smras pa daṅ | tshe daṅ ldan pa rab ’byor gyis | tshe daṅ ldan pa śa ra dwa ti’i bu la ’di skad ces smras so ||