btsun pa rab ’byor stoṅ gsum gyi stoṅ gsum gyi stoṅ chen (4) po’i ’jig rten gyi khams ’di na | rgyal chen bźi’i ris kyi lha rnams nas | gnas gtsaṅ ma’i bar gyi lha ji sñed ’khod pa de dag tshe daṅ ldan pa rab ’byor la chos mnan pa’i phyir ’khor ’dir ’dus te | śes rab kyi pha rol tu phyin pa bstan pa de yaṅ ñan par ’dod na byaṅ chub (5) sems dpa’ sems dpa’ chen pos ji ltar śes rab kyi pha rol tu phyin pa la bslab par bya | byaṅ chub sems dpa’ sems dpa’ chen po’i śes rab kyi pha rol tu phyin pa ni gaṅ yin | byaṅ chub sems dpa’ sems dpa’ chen pos ni ji ltar bslab par bya | de skad ces (6) smras pa daṅ | tshe daṅ ldan pa rab ’byor gyis lha’i dbaṅ po brgya byin la ’di skad ces smras so ||