de nas lha’i bu de dag ’di sñam du sems te | chos bstan pa ’di la gzugs su btags pa yaṅ med dam | (3) tshor ba daṅ | ’du śes daṅ | ’du byed rnams daṅ | rnam par śes par brtags pa yaṅ med dam | sbyin pa’i pha rol tu phyin pa nas śes rab kyi pha rol tu phyin pa’i bar du btags pa yaṅ med dam | naṅ stoṅ pa ñid du btags pa yaṅ med ciṅ | dṅos po med pa’i ṅo bo ñid stoṅ pa (4) ñid kyi bar du btags pa yaṅ med dam | chos bstan pa ’di la dran pa ñe bar gźag pa rnams nas ’phags pa’i lam yan lag brgyad pa’i bar du btags pa yaṅ med dam | de bźin gśegs pa’i stobs bcur btags pa yaṅ med ciṅ | saṅs rgyas kyi chos ma ’dres pa (5) bcwa brgyad kyi bar du btags pa yaṅ med dam | chos bstan pa ’di la rgyun du źugs par btags pa yaṅ med dam | rgyun du źugs pa’i ’bras bur btags pa yaṅ med dam | lan cig phyir ’oṅ ba daṅ | lan cig phyir ’oṅ ba’i ’bras bu daṅ | phyir mi ’oṅ ba daṅ | (6) phyir mi ’oṅ ba’i ’bras bu daṅ | dgra bcom pa ñid daṅ | dgra bcom pa’i ’bras bu daṅ | raṅ saṅs rgyas daṅ | raṅ byaṅ chub daṅ | byaṅ chub sems dpa’ daṅ | byaṅ chub sems dpa’i sa rnams daṅ | yaṅ dag par rdzogs pa’i byaṅ chub daṅ | yaṅ dag par rdzogs (7) pa’i saṅs rgyas su btags pa yaṅ med dam | yi ge rnams su btags pa yaṅ med dam | ci źig tu sñam mo ||