btsun pa rab ’byor yaṅ dag par rdzogs pa’i byaṅ chub kyaṅ rmi lam lta bu sgyu ma lta bu źes smra’am | btsun pa rab ’byor mya ṅan las ’das pa yaṅ rmi lam lta bu sgyu ma lta bu źes smra’am | tshe daṅ ldan pa rab ’byor gyis (2) smras pa | lha’i bu dag kho bo ni mya ṅan las ’das pa yaṅ rmi lam lta bu sgyu ma lta bu źes smra ste | lha’i bu dag gal te mya ṅan las ’das pa de bas ches khyad par du ’phags pa’i chos gźan ’ga’ źig yod na yaṅ kho bo ni chos de yaṅ rmi lam lta bu sgyu ma lta bu źes smra’o ||