tshe daṅ ldan pa rab ’byor śes rab kyi pha rol tu phyin pa ’dir theg pa gsum po bstan pa ’di lta ste | ñan thos kyi theg pa daṅ | raṅ saṅs rgyas kyi theg pa daṅ | (4) yaṅ dag par rdzogs pa’i saṅs rgyas kyi theg pa dag rgya cher bstan ciṅ | byaṅ chub sems dpa’ sems dpa’ chen po rnams yoṅs su gzuṅ ba yaṅ bstan la | sems daṅ po bskyed pa nas bzuṅ ste | sa bcu’i sems bskyed pa’i bar daṅ | byaṅ chub sems dpa’i lam ’di lta ste | (5) sbyin pa’i pha rol tu phyin pa nas | śes rab kyi pha rol tu phyin pa’i bar daṅ | de bźin du dran pa ñe bar gźag pa rnams nas | ’phags pa’i lam yan lag brgyad pa’i bar daṅ | de bźin du de bźin gśegs pa’i stobs bcu nas | saṅs rgyas kyi chos ma ’dres pa bcwa brgyad kyi (6) bar dag bstan ciṅ | byaṅ chub sems dpa’ sems dpa’ chen po rnams kyi rdzu ’phrul gyi mṅon par śes pas rnam par rtse ba dag kyaṅ bstan la | de bźin du byaṅ chub sems dpa’ sems dpa’ chen po śes rab kyi pha rol tu phyin pa la spyod pa rnams rdzus te skye bar ’gyur ba daṅ | de bźin (7) du mṅon par śes pa yoṅs su mi ñams pa’i chos can du ’gyur źiṅ | dge ba’i rtsa ba gaṅ dag gis ’dod na saṅs rgyas kyi źiṅ rnams su ’gro ba daṅ | saṅs rgyas bcom ldan ’das de dag la bsti staṅ du bya ba daṅ | ri mor bya ba daṅ | mchod par byed par ’gyur ba’i dge ba’i (169a1) rtsa ba de dag kyaṅ ’grub par ’gyur ba daṅ | saṅs rgyas bcom ldan ’das de dag las chos gaṅ thos pa de bla na med pa yaṅ dag par rdzogs pa’i byaṅ chub mṅon par rdzogs par saṅs rgyas kyi bar du nam yaṅ chud za bar mi ’gyur ba daṅ | mñam par ma bźag pa’i (2) tshul gyis rtag tu mñam par bźag par ’gyur ba daṅ | thogs pa med pa’i spobs pa daṅ | rgyun mi ’chad pa’i spobs pa daṅ | rigs pa’i spobs pa daṅ | ’brel ba’i spobs pa daṅ | don bzaṅ po daṅ ldan pa’i spobs pa daṅ | ’jig rten thams cad las khyad par du ’phags (3) pa’i spobs pa rab mchog can du ’gyur ba dag kyaṅ bstan pa yin nam | de skad ces smras pa daṅ | tshe daṅ ldan pa rab ’byor gyis | tshe daṅ ldan pa śa ra dwa ti’i bu la ’di skad ces smras so ||