lha’i bu dag byaṅ chub sems dpa’ gaṅ śes rab kyi pha rol tu phyin pa ’di daṅ ma bral (170b1) la | de yaṅ mi dmigs pa’i tshul gyis yin pa de ni | khyed kyis de bźin gśegs pa ñid du zuṅ śig | de ci’i phyir źe na | lha’i bu dag śes rab kyi pha rol tu phyin pa ’dir theg pa gsum po ’di lta ste | ñan thos kyi theg pa daṅ | raṅ saṅs rgyas kyi theg pa daṅ | yaṅ dag par (2) rdzogs pa’i saṅs rgyas kyi theg pa dag rgya cher bstan ciṅ | lha’i bu dag sbyin pa’i pha rol tu phyin pa las gud na yaṅ de bźin gśegs pa dmigs su med la | śes rab kyi pha rol tu phyin pa’i bar las gud na yag de bźin gśegs pa dmigs su med | de bźin du naṅ stoṅ pa ñid (3) nas | dṅos po med pa’i ṅo bo ñid stoṅ pa ñid kyi bar las gud na yaṅ de bźin gśegs pa dmigs su med | dran pa ñe bar gźag pa rnams daṅ | ’phags pa’i lam yan lag brgyad pa’i bar dag las gud na yaṅ de bźin gśegs pa dmigs su med | de bźin du de bźin (4) gśegs pa’i stobs bcu daṅ | saṅs rgyas kyi chos ma ’dres pa bcwa brgyad kyi bar dag las gud na yaṅ de bźin gśegs pa dmigs su med | rnam pa thams cad mkhyen pa ñid las gud na yaṅ de bźin gśegs pa dmigs su med la | lha’i bu dag byaṅ chub sems (5) dpa’ de dag thams cad la slob ste | ’di lta ste | sbyin pa’i pha rol tu phyin pa nas | de bźin du sbyar te | rnam pa thams cad mkhyen pa ñid kyi bar la slob pa’i phyir te | lha’i bu dag de lta bas na | byaṅ chub sems dpa’ sems dpa’ chen po gaṅ śes rab kyi pha rol tu phyin pa ’di (6) daṅ ma bral bar spyod pa ni de ṅa źi na gśegs pa ñid du rig par bya’o ||