lha’i bu dag ṅa gaṅ gi tshe de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad la | rgyal po’i pho braṅ ’khor pad ma can du pad ma lṅa gtor de tshoṅ dus kyi dbus na ’dug pa’i tshe | (7) mi dmigs pa’i tshul gyis sbyin pa’i pha rol tu phyin pa daṅ bral bar ma gyur | de bźin du tshul khrims kyi pha rol tu phyin pa daṅ | bzod pa’i pha rol tu phyin pa daṅ | brtson ’grus kyi pha rol tu phyin pa daṅ | bsam gtan gyi pha rol tu phyin pa daṅ | śes rab kyi pha rol tu phyin pa (171a1) dar bral bar ma gyur | de bźin du naṅ stoṅ pa ñid daṅ | dṅos po med pa’i ṅo bo ñid stoṅ pa ñid kyi bar daṅ | de bźin du dran pa ñe bar gźag pa rnams daṅ | ’phags pa’i lam yan lag brgyad pa’i bar daṅ bral bar ma gyur | de bźin du tshad med pa bźi (2) daṅ | gzugs med pa’i sñoms par ’jug pa bźi daṅ | byaṅ chub sems dpa’i tiṅ ṅe ’dzin thams cad daṅ | gzuṅs kyi sgo thams cad daṅ | de bźin gśegs pa’i stobs bcu daṅ | mi ’jigs pa bźi daṅ | so so yaṅ dag par rig pa bźi daṅ | byams (3) pa chen po daṅ | sñiṅ rje chen po daṅ | saṅs rgyas kyi chos ma ’dres pa bcwa brgyad daṅ bral bar ma gyur pa de’i tshe | de bźin gśegs pa dgra bcom pa yaṅ dag par rdzogs pa’i saṅs rgyas mar me mdzad kyis | ṅa la kye rigs kyi bu khyod ma ’oṅs pa’i dus na bskal pa bzaṅ po la (4) ’jig rten gyi khams ’di ñid du bskal pa graṅs med pa na | de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa ’jig rten mkhyen pa | skyes bu ’dul ba’i kha lo sgyur ba | bla na med pa lha daṅ mi rnams kyi (5) ston pa | saṅs rgyas bcom ldan ’das śkya thub pa źes bya bar ’gyur ro źes bla na med pa yaṅ dag par rdzogs pa’i byaṅ chub tu luṅ bstan to ||