de ci’i (4) phyir źe na | btsun pa bcom ldan ’das ’di ltar byaṅ chub sems dpa’ sems dpa’ chen po la brten nas sems can dmyal ba rnams rgyun ’chad par ’gyur | dud ’gro’i skye gnas rnams rgyun ’chad par ’gyur | lha dbul po rnams daṅ | klu dbul po rnams daṅ | gnod sbyin (5) dbul bo rnams daṅ | mi dbul po rnams daṅ | yams kyi bro bro nad thams cad daṅ | gnod pa daṅ | bro nad ’go ba daṅ | ’khrug pa rnams mi skye mi ’byuṅ źiṅ sel bar ’gyur la | de bźin du mu ge daṅ | ’khrug pa daṅ | nad ’khrug thams cad rgyun ’chad par ’gyur | (6) sel bar ’gyur źiṅ ma mchis par ’gyur ba daṅ | btsun pa bcom ldan ’das de bźin du byaṅ chub sems dpa’ sems dpa’ chen po la brten nas dge ba bcu’i las kyi lam rnams ’jig rten du mjal źiṅ | de bźin du bsam gtan bźi daṅ | tshad med pa bźi daṅ | gzugs (7) maṅ pa’i sñoms par ’jug pa bźi dag ’jig rten du ’byuṅ bar ’gyur ro ||