de nas byaṅ chub sems dpa’ kun nas ’od zer gyis | de bźin gśegs pa dkon mchog ’byuṅ gnas las | rin po che’i rgyu las byuṅ ba’i pad (3) ma gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ khye’u daṅ | bu mo bye ba khrag khrig phrag ’bum phrag du mas yoṅs su bskor ciṅ mdun du bdar te | lhan cig tu saṅs rgyas kyi źiṅ de nas mi snaṅ bar gyur nas (4) śar phyogs na saṅs rgyas bcom ldan ’das ji sñed cig bźugs te ’tsho źiṅ gźes pa de dag thams cad la | me tog daṅ | bdug pa daṅ | spos daṅ | me tog phreṅ daṅ | byug pa daṅ | phye ma daṅ | gos daṅ | gdugs daṅ | rgyal mtshan daṅ | ba dan dag gis (5) bsti staṅ du byas | bla mar byas | ri mor byas | mchod pa byas nas | byaṅ chub sems dpa’i rdzu ’phrul chen po daṅ | byaṅ chub sems dpa’i mthu chen pos ’jig rten gyi khams mi mjed ga la ba der phyin te | de bźin gśegs pa śkya thub pa ga la ba der soṅ nas | phyin (6) pa daṅ | bcom ldan ’das kyi źabs la mgo bos phyag ’tshal te | phyogs gcig tu ’dug go ||