’di skad bdag gis thos pa dus gcig na | bcom ldan ’das rgyal po’i khab kyi ri bya rgod (3) ’phuṅs po la | dge sloṅ lṅa stoṅ tsam gyi dge sloṅ gi dge ’dun chen po daṅ thabs gcig ste | thams cad kyaṅ dgra bcom pa | zag pa zad pa | ñon moṅs pa med pa | dbaṅ du gyur pa | (4) sems śin tu rnam par grol ba | śes rab śin tu rnam par grol ba | caṅ śes pa | glaṅ po chen po | bya ba byas pa | byed pa byed pa | khur bor ba | raṅ gi don rab tu thob pa | srid par (5) sbyor ba yoṅs su zad pa | bka’ yaṅ dag pas sems śin tu rnam par grol ba | sems kyi dbaṅ thams cad la pha rol tu phyin pa’i mchog thob pa śa stag ste | gaṅ zag gcig ma (2a1) gtogs ba ni | ’di ltar slob pa rgyun tu źugs pa tshe daṅ ldan pa dga’ bo’o ||