dge sloṅ ma grags ’dzin daṅ | skye dgu’i bdag mo chen mo la sogs pa lṅa brgya tsam daṅ | dge bsñen daṅ | dge bsñen ma śin tu (2) maṅ ba kun kyaṅ chos mthoṅ ba śa stag daṅ | byaṅ chub sems dpa’ sems dpa’ chen po tshad med graṅs med pa thams cad kyaṅ gzuṅs rab tu thob pa | tiṅ ṅe ’dzin rab tu thob pa | stoṅ pa ñid kyis rnam par spyod pa | mtshan ma (3) med pa’i spyod yul can | rtog pa med pa’i smon lam daṅ ldan pa | chos thams cad la mñam pa ñid kyi bzod pa rab tu thob pa | chags pa med pa’i gzuṅs rab tu thob pa | thogs pa med pa’i spobs pa daṅ ldan pa | (4) bstan pa zad mi śes pa la so so yaṅ dag par rig pa’i tshul khoṅ du chud pa | mṅon par śes pa chen pos rnam par rtse ba | mṅon par śes pa śin tu mñams pa | mñan par ’os pa’i tshig daṅ ldan pa | le lo med ciṅ (5) brtson ’grus brtsams pa | lus daṅ srog la mi lta ba | tshul ’tshos pa med pa | kha gsag med pa | grags pa daṅ | khe daṅ | bkur sti’i sems med pa | zaṅ ziṅ med pa’i chos ston pa | chos zab mo’i bzod pa dam pa (6) rtogs par khoṅ du chud pa | mi ’jigs pa chen po thob pa | yid yoṅs su źum pa med pa | bdud kyi las thams cad las yaṅ dag par ’das pa | las kyi sgrib pa rgyun chad pa | las daṅ ñon moṅs pa daṅ | phyir rgol ba (2b1) rab tu bcom pa | pha rol po’i rgol ba thams cad kyis zil gyis mi non pa | ñan thos daṅ raṅ saṅs rgyas thams cad kyis rtogs par dka’ ba | chos rab tu rtogs pas rnam par dbye źiṅ bstan pa la mkhas pa bskal pa graṅs med pa nas smon lam (2) śin tu brtsams pa | bźin ’dzum pa daṅ ldan pa | sṅon du smra ba | khro gñer med pa | sñan ciṅ ’jam pa’i tshig daṅ ldan pa | pha rol la tshigs su bcad pa’i dbyaṅs su brjod pa la mkhas pa | spobs pa mi chod pa | ’khor mtha’ (3) yas pa zil gyis gnon pa’i mi ’jigs pa daṅ ldan pa | bskal ba bye ba mtha’ yas par bstan pa’i ye śes kyis ’byuṅ ba la mkhas pa | chos thams cad sgyu ma daṅ | smig rgyu daṅ | chu zla daṅ | rmi lam daṅ | sgra brñan daṅ | mig (4) yor daṅ | nam mkha’ daṅ | dri za’i groṅ khyer daṅ | sprul pa daṅ | gzugs brñan lta bur khoṅ du chud pa | sems yoṅs su źum ba med pa | sems can thams cad kyi sems kyi rgyud daṅ | śes pa phra ba daṅ | spyod pa daṅ | mos (5) pa khoṅ du chud par bya ba la mkhas pa | sems can thams cad la sdaṅ ba med pa’i sems daṅ ldan pa | bzod pa rlabs po che daṅ ldan pa | chos thams cad mñam pa ñid du rtogs par bya ba’i ye śes la mkhas pa | chos ñid zab mo daṅ (6) ldan pas gtiṅ dpag dka’ ba | raṅ gi sems la dbaṅ rab tu thob pa | chos thams cad la dbaṅ śin tu thob pa | las daṅ ñon moṅs pa daṅ lta ba’i sgrib pa thams cad las rnam par grol ba | brten pa rtogs par bstan pa la (7) mkhas pa | rten ciṅ ’brel bar ’byuṅ ba’i tshul zaṅ mi śes pa la źugs pa | lta ba daṅ | bag la ñal ba daṅ | kun nas ldaṅ ba thams cad daṅ bral ba | kun tu sbyor ba thams cad spaṅs pa | las daṅ (3a1) ñon moṅs pa thams cad rab tu źi bar bya ba la mkhas pa | bden pa rab tu rtogs par bya ba’i ye śes la mkhas pa | chos thams cad sgra brñan daṅ ’dra bar rtag tu rgyun mi chad par mos pa | chos (2) kyi tshul bstan pa tshad med pa la ’jigs pa med pa | bdag ñid ji lta ba bźin du khoṅ du chud par bya ba la mkhas pa | saṅs rgyas kyi źiṅ mtha’ yas pa rnam par dgod pa’i smon lam gyis ’gro ba yoṅs su zin pa | ’jig rten gyi khams (3) graṅs med pa na bźugs pa’i saṅs rgyas rjes su dran pa’i tiṅ ṅe ’dzin rtag tu rgyun mi chad par mṅon du gyur pa | saṅs rgyas ’byuṅ ba thams cad du ñe bar ’gro ba la mkhas pa | saṅs rgyas dpag tu med pa la gsol ba gdab par mkhas (4) pa | sems can gyi lta ba sna tshogs kyis yoṅs su bskyed pa’i ñon moṅs pa źi bar bya ba la mkhas pa | tiṅ ṅe ’dzin brgya stoṅ mṅon par bsgrub pa la rnam par rtse ba’i ye śes rtogs par bya ba la mkhas pa | yon tan brjod pa bskal pa mtha’ (5) yas par mi zad pa daṅ ldan pa śa stag daṅ thabs gcig ste | ’di ltar byaṅ chub sems dpa’ sems dpa’ chen po bzaṅ skyoṅ daṅ | rin chen ’byuṅ gnas daṅ | rin chen sñiṅ po daṅ | rin chen byin pa daṅ | ded dpon dam pa daṅ | skyes bus (6) byin daṅ | skyob sbed daṅ | chu bdag lha daṅ | dbaṅ pos byin daṅ | bzaṅ po’i stobs daṅ | blo gros dam pa daṅ | ’phags pa’i blo gros daṅ | blo gros ’phel ba daṅ | blo gros mtha’ yas daṅ | don yod mthoṅ ba daṅ | sgrib med blo gros daṅ | (7) rab tu źugs pa daṅ | mthu dam pas rnam par gnon pa daṅ | brtson ’grus mtha’ yas daṅ | rtag tu brtson pa daṅ | rtag tu sbyor ba daṅ | mi gtoṅ brtson pa daṅ | ñi ma’i sñiṅ po daṅ | zla ba’i sñiṅ po daṅ | blo gros dpe med pa daṅ | spyan ras (3b1) gzigs kyi dbaṅ po daṅ | mthu chen po thob pa daṅ | ’jam dpal gźon nur gyur pa daṅ | bdud kyi stobs rab tu ’joms pa daṅ | rdo rje blo gros daṅ | lag na rin chen phyag rgya daṅ | rtag tu lag brkyaṅ daṅ | sñiṅ rje cher sems daṅ | rgyan chen (2) po daṅ | rnam par bkod pa’i rgyal po daṅ | ri bo’i zom daṅ | byaṅ chub sems dpa’ sems dpa’ chen po byams pa daṅ | de dag la sogs pa gźan yaṅ byaṅ chub sems dpa’ bye ba khrag khrig brgya stoṅ du ma dag daṅ thabs gcig tu bźugs so ||