ljags kyi dbaṅ po de las kyaṅ ’od zer kha dog sna tshogs bye ba khrag khrig brgya stoṅ du ma ’thon te | ’od zer de dag thams cad la pad mo maṅ po | rin po che sna (5) tshogs kyi rgyu las byuṅ ba | gser gyi mdog tu snaṅ ba | ’dab ma stoṅ daṅ ldan pa | sna tshogs su ’dug pa | blta na sdug pa | yid du ’oṅ ba | kha dog bzaṅ ba | dri źim pa | ’jam pa | ka tsa lin di ka ltar reg na bde bar ’gyur ba śa stag kun nas (6) gnas par gyur te | pad mo de dag la yaṅ de bźin gśegs pa’i sku maṅ po bźugs śiṅ | ’di lta ste | pha rol tu phyin pa drug daṅ ldan pa’i chos bstan pa ’di ñid kyi chos ston pa mdzad de | de dag śar phyogs kyi ’jig rten gyi khams gaṅ g’i kluṅ (7) gi bye ma sñed du gśegs śiṅ de dag tu byon nas ’di lta ste | pha rol tu phyin pa drug daṅ ldan pa’i chos bstan pa ’di ñid kyi chos ston to ||