de’i tshe bcom ldan ’das gdan seṅ ge’i khri de ñid la bźugs (6b1) pas ’di lta ste | dper na ñi ma bsgribs pa med pa nam mkha’i dbyiṅs yoṅs su dag pa la ’dug pa ’am | zla ba ña ba’i zla ba’i dkyil ’khor ltar stoṅ gsum gyi stoṅ chen po’i ’jig rten gyi khams ’di ri rab daṅ bcas pa | khor yug daṅ bcas pa | lha’i (2) gnas daṅ bcas pa | dbaṅ po daṅ bcas pa | dbaṅ byed daṅ bcas pa | lha daṅ | lha ma yin gyi ris daṅ bcas pa | tshaṅs pa daṅ bcas pa | gtsaṅ ma’i gnas daṅ bcas pa ’di zil gyis mnan te bźugs na | ’od daṅ sku mdog daṅ | gzi brjid daṅ dpal (3) gyis mdzes śiṅ | lham me | lhan ne | lhaṅ ṅe’o ||