źes gyis la pad mo ’di dag gis gtor cig | rigs kyi bu saṅs rgyas kyi (7) źiṅ der bag yod par spyod cig | de ci’i phyir źe na | ’jig rten gyi khams der skyes pa’i byaṅ chub sems dpa’ sems dpa’ chen po de dag ni mgu bar dka’ ba yin gyis | der ñams par gyur ta re | de nas byaṅ chub sems dpa’ sems dpa’ chen po mya ṅan med | (11b1) pas | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mya ṅan med pa’i dpal de las | pad mo gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ | khye’u daṅ (2) bu mo’i gzugs su ’dug pa bye ba khrag khrig brgya stoṅ du ma daṅ ’grogs te | saṅs rgyas kyi źiṅ de nas mi snaṅ bar gyur nas | lho phyogs kyi saṅs rgyas bcom ldan ’das gaṅ ji sñed bźugs śiṅ ’tsho skyoṅ ba de dag thams cad la | me tog daṅ spos daṅ bdug spos daṅ phreṅ (3) ba daṅ byug pa daṅ phye ma daṅ na bza’ daṅ rgyan daṅ gdugs daṅ rgyal mtshan daṅ bdan dag gis rim gror bya ba daṅ bkur stir bya ba daṅ | bsti staṅ du bya ba daṅ mchod pa byed ciṅ byaṅ chub sems dpa’i rdzu ’phrul chen po daṅ byaṅ chub sems dpa’i mthu chen pos | bcom (4) ldan ’das de bźin gśegs pa dgra bcom ba yaṅ dag par rdzogs pa’i saṅs rgyas śkya thub pa gaṅ na ba der doṅ ste phyin nas | bcom ldan ’das kyi źabs gñis la spyi bos phyag ’tshal te | phyogs gcig tu ’khod do ||