| śes rab kyi pha rol tu phyin pa stoṅ phrag ñi śu lṅa pa | bam po gñis pa | de nas de bźin gśegs pa tiṅ ṅe ’dzin gyi glaṅ po dam pa’i dpal gyis | byaṅ chub sems (2) dpa’ rnam par rgyal bas rnam par gnon pa la | pad mo rin po che sna tshogs kyi rgyu las byuṅ ba | gser gyi mdog can ’dab ma stoṅ daṅ ldan pa stoṅ bskur te | rigs kyi bu bcom ldan ’das de bźin gśegs pa dgra bcom pa yaṅ dag par rdzogs pa’i (3) saṅs rgyas śkya thub pa de la | bcom ldan ’das sñun mi mṅa’ ’am | gnod pa ma mchis sam | zo bdog bde ’am | sku ñams daṅ ldan nam | bde ba daṅ dgyes par spyod dam źes ’dri ste | pad mo gser gyi mdog can ’dab ma stoṅ daṅ ldan pa ’di (4) dag kyaṅ | bcom ldan ’das de bźin gśegs pa tiṅ ṅe ’dzin gyi glaṅ po dam pa’i dpal gyis | bcom ldan ’das la mchod pa’i slad du bskur ro ||