bcom ldan ’das pad mo dam (6) pa’i dpal gyis bka’ stsal pa | rigs kyi bu de ltar de’i dus la bab par śes na soṅ śig | de nas de bźin gśegs pa pad mo dam pa’i dpal gyis | byaṅ chub sems dpa’ sems dpa’ chen po lag na pad mo la | pad mo rin po che sna (7) tshogs kyi rgyu las byuṅ ba | gser gyi mdog can ’dab ma stoṅ daṅ ldan pa stoṅ bskur te | rigs kyi bu bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa de la bcom ldan ’das sñun mi (18b1) mṅa’ ’am | gnod pa ma mchis sam | zo bdog bde ’am | sku ñams daṅ ldan nam | bde ba daṅ dgyes par spyod dam źes ’dri ste | pad mo gser gyi mdog can ’dab ma stoṅ daṅ ldan pa ’di dag kyaṅ | bcom ldan ’das de bźin gśegs pa pad mo (2) dam pa’i dpal gyis | bcom ldan ’das la mchod pa’i slad du bskur ro ||