źes kyaṅ gyis la pad mo ’di dag gis gtor cig | rigs kyi bu saṅs rgyas kyi źiṅ der bag yod par spyod cig | de ci’i phyir źe na | ’jig rten gyi khams der skyes pa’i (3) byaṅ chub sems dpa’ sems dpa’ chen po de dag ni mgu bar dka’ ba yin gyis | der ñams par gyur ta re | de nas byaṅ chub sems dpa’ sems dpa’ chen po lag na pad mos | bcom ldan ’das de bźin gśegs pa dgra bcom pa yaṅ dag par rdzogs (4) pa’i saṅs rgyas pad mo dam pa’i dpal de las | pad mo gser gyi mdog can ’dab ma sñoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ khye’u daṅ bu mo’i gzugs su ’dug pa bye ba khrag khrig brgya stoṅ du ma (5) daṅ ’grogs te | saṅs rgyas kyi źiṅ de nas mi snaṅ bar gyur nas | śar lho’i phyogs mtshams kyi saṅs rgyas bcom ldan ’das gaṅ ji sñed bźugs śiṅ ’tsho skyoṅ ba de dag thams cad la me tog daṅ | spos daṅ | bdug spos daṅ | ’phreṅ ba daṅ | byug ba daṅ | phye (6) mdaṅ na bza’ daṅ | rgyan dad gdugs daṅ rgyal mtshan daṅ ba dan dag gis rim gror bya ba daṅ | bkur stir bya ba daṅ | bsti staṅ du bya ba daṅ | mchod pa byed ciṅ | byaṅ chub sems dpa’i rdzu ’phrul chen po daṅ byaṅ chub sems dpa’i mthu chen pos | (7) bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa gaṅ na ba der soṅ ste phyin nas | bcom ldan ’das kyi źabs gñis la spyi bo sa phyag ’tshal te phyogs gcig tu ’khoṅ do ||