bcom ldan ’das de bźin (5) gśegs pa ñi ma’i dkyil ’khor snaṅ ba dam pa’i dpal gyis bka’ stsal pa | rigs kyi bu de ltar de’i dus la bab par śes na soṅ śig | de nas de bźin gśegs pa dgra bcom pa yaṅ dag par rdzogs pa’i saṅs rgyas ñi ma’i dkyil ’khor (6) snaṅ ba dam pa’i dpal gyis | byaṅ chub sems dpa’ sems dpa’ chen po ñi ma rab tu snaṅ ba la | pad mo rin po che sna tshogs kyi rgyu las byuṅ ba | gser gyi mdog can ’dab ma stoṅ daṅ ldan pa stoṅ bskur te | rigs kyi bu bcom ldan ’das (7) de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa de la | bcom ldan ’das la sñun mi mṅa’ ’am | gnod pas mchis sam | zo bdog bde’am | sku ñams daṅ ldan nam | bde ba daṅ dgyes par spyod dam (20b1) źes ’dri ste | pad mo gser gyi mdog can ’dab ma stoṅ daṅ ldan pa ’di dag kyaṅ | bcom ldan ’das de bźin gśegs pa ñi ma’i dkyil ’khor snaṅ ba dam pa’i dpal gyis | bcom ldan ’das la mchod pa’i slad du bskur ro źes kyaṅ gyis la | pad mo ’di dag gis (2) gtor cig | rigs kyi bu saṅs rgyas kyi źiṅ der bag yod par spyod cig | de ci’i phyir źe na | ’jig rten gyi khams der skyes pa’i byaṅ chub sems dpa’ sems dpa’ chen po de dag ni mgu bar dka’ ba yin gyis | der ñams par gyur ta re | (3) de nas byaṅ chub sems dpa’ sems dpa’ chen po ñi ma rab tu snaṅ bas | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas ñi ma’i dkyil ’khor snaṅ ba dam pa’i dpal de las | pad mo gser gyi (4) mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ rab tu byuṅ ba daṅ khye’u daṅ bu mo’i gzugs su ’dug pa bye ba khrag khrig brgya stoṅ du ma daṅ ’grogs te | saṅs rgyas kyi źiṅ de nas mi snaṅ bar gyur nas | (5) lho nub kyi phyogs mtshams kyi saṅs rgyas bcom ldan ’das gaṅ ji sñed cig bźugs śiṅ ’tsho skyoṅ ba de dag thams cad la me tog daṅ | spos daṅ | bdug spos daṅ | phreṅ ba daṅ | byug pa daṅ | phye ma daṅ na bza’ daṅ | rgyan daṅ gdugs daṅ rgyal mtshan daṅ | (6) dan dag gis ris gror bya ba daṅ | bkur stir bya ba daṅ | bsti staṅ du bya ba daṅ | mchod pa byed ciṅ | byaṅ chub sems dpa’i rdzu ’phrul chen po daṅ | byaṅ chub sems dpa’i mthu chen pos | bcom ldan ’das de bźin gśegs pa dgra bcom (7) pa yaṅ dag par rdzogs pa’i saṅs rgyas śkya thub pa gaṅ na ba der doṅ ste phyin nas | bcom ldan ’das kyi źabs gñis la spyi bos phyag ’tshal te | phyogs gcig tu ’khod do ||