źes kyaṅ gyis la pad mo ’di dag gis gtor cig | rigs kyi bu saṅs rgyas kyi źiṅ der bag yod par spyod cig | de ci’i phyir źe na | ’jig rten gyi khams der (22b1) skyes pa’i pa’i byaṅ chub sems dpa’ sems dpa’ chen po de dag ni mgu bar dka’ ba yin gyis | der ñams par gyur ta re | de nas byaṅ chub sems dpa’ sems dpa’ chen po rin chen mchog gis | bcom ldan ’das de bźin gśegs pa dgra bcom (2) pa yaṅ dag par rdzogs pa’i saṅs rgyas gdugs dam pa de las | pad mo gser gyi mdog can ’dab ma stoṅ daṅ ldan pa de dag blaṅs te | byaṅ chub sems dpa’ khyim pa daṅ | rab tu byuṅ ba daṅ khye’u daṅ bu mo’i gzugs su ’dug pa bye ba khrag (3) khrig brgya stoṅ du ma daṅ ’grogs te | saṅs rgyas kyi źiṅ de nas mi snaṅ bar gyur nas | nub byaṅ gi phyogs mtshams kyi saṅs rgyas bcom ldan ’das gaṅ ji sñed cig bźugs śiṅ ’tsho skyoṅ ba de dag thams cad la me tog daṅ | spos daṅ bdug (4) spos daṅ phreṅ ba daṅ byug pa daṅ | phye ma daṅ na bza’ daṅ rgyan daṅ gdugs daṅ rgyal mtshan daṅ | ba dan dag gis rim gror bya ba daṅ | bkur stir bya ba daṅ bsti staṅ du bya ba daṅ mchod pa byed ciṅ | byaṅ chub sems dpa’i rdzu ’phrul chen po daṅ byaṅ chub (5) sems dpa’i mthu chen pos | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas śkya thub pa gaṅ na ba der doṅ ste phyin nas | bcom ldan ’das kyi źabs gñis la spyi bos phyag ’tshal te phyogs gcig (6) tu ’khod do ||